Question

仓鼠 . . . . 求救

Answer 1

更新1:

但系只肥果只成日将D bb搬来搬去
但系D bb成日走去廋果只啲身边

A.分男女唔系用肥or瘦去分 仓鼠分男女: 你可以睇下佢排泄既位置
应该会有2个孔
分得远d既就系男仔
相反近d既就系女仔 而鼠鼠生完BB冇耐既话
两排 *** 应该会明显左
你睇佢底下有冇两排 ***
有就系女 唔知你既鼠几大
大D既鼠就会见到尾附近有唔同
圆系女
尾系尖就系男仔.男仔长大后会见到佢近尾会有一旧野咁
即系鼠既睾丸 你分既时候要留意
因为鼠妈妈生育完
情绪会较紧张
打扰到佢有机会唔理鼠B or食鼠b
所以一定要好小心去分
同时要小心唔好被咬
鼠鼠可能以为你攻击鼠b
就会咬人 B.唔知你既鼠生左BB几耐呢?鼠鼠生左BB应该要尽快将鼠爸分开
唔系好易令鼠b有危险 鼠鼠生左bb之后要留意以下几点: 1)将鼠爸及其他鼠分开 2)唔好接近个笼
唔好掂鼠妈妈同bb
尽量等到鼠bb戒奶后先洗笼(大约18-21日戒奶) 3)用奶粉冲d奶代替水俾鼠妈妈饮
记得唔好俾鲜奶
唔系会令鼠鼠肚唔舒服既 4)放定好大量既食物入去
之后换食物换奶都要小心唔好俾鼠妈妈发现
到鼠bb识行之后
食物就要整碎d
唔系bb食唔到/食左落去吞唔到就大件事. 5)唔可以将鼠bb同妈妈分开
唔系bb就冇野食
生存唔到.我细个既时候
有人教我用手喂bb饮奶
但咁系唔可行既. 6)另外
如果用既笼系通风
bb可能会趺出唻
可以用d胶file整开包住个笼
但记得要整多d小孔
唔系就冇空气 食唔理鼠bb or 鼠bb被食有几个原因: 1)如果鼠妈妈觉得bb有危险-妈妈会食左bb/收埋bb入腮
令鼠bb缺氧
都会食bb 2)鼠妈妈觉得bb养唔大-鼠bb身体弱 or 自己冇足够既奶分俾佢地 3)鼠妈妈觉得bb有第d动物气味 4)鼠妈妈情绪太紧张-有第只鼠在场
有外来环境令佢紧张
有人打扰佢
甚至只系因为生育而情绪紧张 5)鼠bb死左 6)鼠爸爸对bb根本冇咩感情
所以如果生之前冇将鼠爸分开笼
爸爸就有机会会食bb
而鼠妈妈感到威胁
都会唔理鼠bb C.你话之前肥既成日打瘦既
其实佢地已有打交行为
建议你处理完鼠B都将佢地分
避免打伤甚至打死
而且唔会不断繁殖 分开左鼠爸之后
记得同佢检查下有痛受伤
到鼠B够21日大戒奶分笼
都要检查鼠妈有冇受伤
冇受伤都会受惊
而受惊有机会诱发甩毛
肚泻等疾病 打交受伤既处理方法如下: 1)有流血既话
用药用棉花咁住伤口
用外伤既药同佢搽
小心唔好整到眼耳口鼻. 2)同其他鼠分笼
因为鼠鼠系独居动物
好易出现打交情况
如果受左伤仲勉强佢地一齐
会令情况更严重. 3)冇受伤既鼠
都必须要仔细检查一下真系有冇受伤 4)佢地两只都受惊啦
受惊好易会有其他毛病
同时要keep住检查佢地既身体同排泄物有冇其他异常 5)保持个笼干爽清洁
避免细菌感染 6)如果有内服既"外伤素"就可以俾鼠鼠饮住先
但严重成咁其实都系要尽快睇医生先系最好既方法 7)如果流血既情况严重
其实都几难止血
因为鼠鼠本身会爪会咬
如果都系止唔到既
俾佢试下自己处唔处理到.都系唔得既都几危险
鼠鼠咁细只
如果不断流血
好快就会失血过多...尽快带佢睇医生啦. 8)睇医生既话可以考虑一下 大围珍禽异兽及宠物医院 DR.TIGER/DR.LAM Tel: 2687 1030 地址:大围积信街75号地下 taiwaiexotic/ 平d可以睇爱护动物协会
但做手术既话
都可能会叫你睇大围
因为设备不足.加上医疗车冇得拣医生 爱护动物协会诊所资料:(需入会) Dr. Corla DeWet spca/chi/vet/vetclinic 爱护动物协会流动医疗车资料: spca/chi/vet/moclinic 其实鼠鼠最好分笼
繁殖鼠鼠会有好多问题
希望你之后可以考虑唔好再繁殖鼠鼠啦
我自己一笼一鼠左好耐
鼠鼠身体都好D
唔会被打
又少受惊
我既鼠多数都系老死OR年老肿瘤而死(当然配合返唔乱食野
同适当地对鼠鼠啦)
建议分笼原因如下: 1)仓鼠天生根本就系独居动物
根本唔适合群居
就算兄弟姊妹
同性别or唔同性别
都一样可以打到死晒.睇书知道
外国既鼠鼠繁殖场都系一笼放一只鼠
到 *** 期先放埋一齐一阵既 2)鼠鼠既繁殖速度好快
而且繁殖鼠鼠有好多问题(例如鼠妈妈有机会会食bb
bb未戒奶就打交但又唔分开得)
就算样样都解决到
都会令鼠鼠既生活质素下降
鼠妈妈生育后寿命又会缩短(甚至难产)
好多只鼠又会有第d问题
所以真系唔好俾鼠鼠生bb呢 3)可能你会话鼠店既鼠咁多只一齐都冇事
但鼠店既鼠仲好细
所以唔会打得好犀利
而且你睇到鼠店既鼠既时间都未到深夜
唔系鼠鼠最活跃既时候
所以未必俾你见到有咩问题.但我曾经见过
鼠店一堆鼠入面
有只鼠已经得返d白骨...所以鼠店讲既野

唔好尽信
鼠店有鼠死左都唔会俾客人知呢 4) 就算两只鼠初初唔打交
其实之后都好易再打
特别系鼠鼠夜晚活动既多
半夜打起上唻
你又唔知既时候
仲危险.我细个既时候都试过觉得2只鼠好似好fd咁放埋一齐
同一胎
我出去一阵返唻就打死晒啦 5)可能会谂鼠鼠会怕闷
但其实鼠鼠天生独来独往
只要有足够既空间同运动(一个转轮都ok啦)
鼠鼠就唔会闷
参考: 十多年养鼠经验
原创文字
请勿参考转载
谢!
我觉得系廋果只系妈妈，肥果只将D bb搬来搬可能系想向廋果只 *** ，叫佢唔好争宠！！
我认为肥果只先系妈妈
因为廋果只不会打肥果只。
你睇下d仓鼠bb去边只度饮奶
未知边只系妈妈.