Question

请帮忙解签 -灵签求得第一枝.龙虎风云际会时.一旦凌霄扬自乐,任君来往赴瑶池. 问:姻缘,事业.请回答

Answer 1

黄大仙签能够抽到第1签，老实讲，就好似考试考到第1名，你话值唔值得高兴呢？
签有上有下，运程则有上有落，我识到D朋友，以前每年新正头例必都去黄大仙求签，但求吓求吓，之后呢个习俗嚘嘞一声搣甩咗；后来听佢讲，话有年求咗支下签，唉！个心就戚住戚住，戚足成年，咁大压力，所以话唔知好过知，索性唔求。

人就系咁，明知道一个签筒裏面成百支签，抽到上签下签机会一半半，既然要求，就应该有心理准备，随时抽到支大个沙田柚的大吉利是签；其实大吉签也好，大柚签也好，只要将签文看成是明日天气预报，天文台话明日局部地区有狂风雷暴，你都识得带番把遮旁身。

第一支上上签，其实要解真系好多余，响庙裏俾钱人去解就更加多余，除非你完全唔识中文字，因为你稍为识少少，认得上上呢两个字，都知点解。

把上上两个字理解成好、好好，意思即系话，你心裏要问的事，都会好好，或者有人会打烂沙盘问到笃，究意有几好？好成点？以下点点滴姑且就把第一签好的重点，点到即止同大家讲讲。

签文共有四句，第一句只是引句，无乜意思，最尾个句至系第一签的精华所在 → {任君来往赴瑶池}；试想想，由得我去边就去边，做乜就做乜，你话爽唔爽？而去边就去边，做乜就做乜之场景系响九寨沟而唔系响戈壁，故此，舒服指数俾佢系5粒星。

签文第二句{龙虎风云际会时}，寅属虎即系农历正月，辰属龙即系农历四月，正月同四月如果有D乜事发生，就更加能够确认呢支签将会出现之兆头，因为正月同四月只要有D乜事发生，便具备咗前因，有咗前因，继续落嚟便上演{任君来往赴瑶池}呢个后果，所以话求到第一签的朋友，要好好关注正月同四月发生的大事小事，因为到底系去九寨沟抑或戈壁；点都系要靠自己出番些少力水，唔系话支签好、好好，你就坐住嚟等，到时真系等到蚊粪。

爱情：举案齐眉 共谐连理 工作：付出努力 终被认同