Question

无得抄足球大挑战: 如果土耳其和以色列回归亚洲区, 她们会不会所向无敌?

Answer 1

更新1:

澳洲应该不是想进步，而是想晋级．

首先讲实力，相信唔使多讲，楼上第二位已经提出左，土耳其曾在2002年世界杯打败中日韩，而以色列近年好多国家队骨干都出国揾食，实力不容忽视。 至于佢地2队对亚洲球队的话，相信都会有压倒性优势，因为亚洲足球一向都比较著重技术同速度 (只有南韩系比较少数着重体力)，但不太着重身型同整体合作，但系由于以色列和土耳其2队都已经系欧洲「浸」左咁耐，加左已有部份球员系踢欧洲球会，佢地已经学会晒欧洲冲撞型打法，因此系打法上根本冇得打。 不过，如楼上所讲，我都相信lee 2 队系唔会返亚洲，但理由唔会系好似楼上所讲系因为宗教问题。 最好的例子系亚洲杯冠军伊拉克，佢地阵中分别有什叶派，逊尼派同 *** 三大不同教派o既人，但仍然团结一致。 个人认为佢地2队唔会返亚洲最大原因，系收入同排名两大因素。 首先系收入方面，欧洲足协每年系举办国际赛 (包括friendly) 中得到o既广告收益都系属于天文数字，而lee堆天文数字会按排名 以及国家队系大型杯赛中成绩而按比例分俾球队，lee 堆收入系亚洲足协提供唔到的。 另外排名方面，系FIFA 个system中，亚洲只系第四档次，因此系计算世界排名果阵，要将计出黎o既数值乘0.85 (即系最后会少左)，但欧洲区系属于最高档次，就唔需要咁计，所以以色列和土耳其如果有实力同欧洲球队争一日之长短，就一定唔会返亚洲，费事赢埋唔够扣。 最后，你问系咪任何国家，放系欧洲赛区都会自动进步，我会答你：唔一定。 的确踢足球，要经常去不同地方踢，领教下不同地方踢法从而吸收经验，所以唔可以做死山寨王，否则一离开左自己地头会唔识点踢，lee个系踢足球的定律。 但有d国家 (好似蒙古同关岛果d)，国家本身都唔注重足球，就连球员都系业余玩玩下，lee d 球队你放佢系边都唔会有进步嫁啦。
根据往绩，土耳其肯定系。土耳其系02世界杯己经连环打败中日韩。而以色列近期亦令欧洲列强十分头痛，系亚洲应该系win梗。 不过佢地都唔会返亚洲啦。以色列是因为宗教问题，根本不可以去西亚列强作客。土耳其系欧洲玩得咁开心，点会降格去亚洲。澳洲都系想进步至来亚洲玩！ 任何国家放了在欧洲赛区，都会自动进步的。同强者比赛得多，都会慢慢学到嘢啦！连塞浦路斯近期都有d进步就知啦！仲有，全世界最TOP的球员都去欧洲联赛，真系唔系只为钱！
参考: 自己
佢地打亚洲区D比赛都玩死人，继续在呢度打，进步多D，可以秋欧洲球队嫁啦！
参考: me