Question

古代人打仗是否真的有武功?

Answer 1

更新1:

其实简单D讲
古代人(武将)去打仗
单挑既时候互劈
一把剑劈落黎
一秒钟既时间都无
佢地既反应真系咁快???识武功??又可以下下接得到?? 而且仲要可能系一生都系打紧仗~佢地真系识武功?? 假如而家现代人好似古时咁拎把刀去打仗
反应力、力量、速度之类
我谂都唔会系比你好彩杀到一个再杀得第二个.

冷兵器时代古人打仗时既武功当然系真材实料，否则点样系秒秒攞命既战场上生存﹖古代有不少历史人物武功十分高，当然佢地既武功无金庸小说人物咁夸张，但讲出来都几令人惊奇。 三国时代张飞武功盖世，天下闻名，演义及大量既电子游戏过于吹捧吕布，但其实三英战吕布系虚构情节，有记载话当张飞战吕布时，张飞一刀劈落去，吕布揾手上既矛硬接，但由于来势太猛，吕布双手虎口位即时爆裂流血，吕布自知不敌当然唔敢再打。事实上，后来吕布占下邳城时都系趁张飞势孤力弱时偷袭先成功，而且无法生擒张飞。自此之后，战场上无人系张飞敌手，佢系死于部下趁佢训觉时既暗杀。 不讲不知，魏国大司马曹仁武功一样出众，有次佢有几百个部下被敌军围困，佢单枪匹马数次出入敌阵解救，最后毫发未伤，而佢既部下亦得以顺利解救。 讲武功劲，中国历史上有多位神射猛将，最早期有汉初飞将军李广。佢有一次只带几个部下被匈奴人围攻，凭神箭奇功打到无人敢埋身，最后成功突围，与张飞一样，李广天下无敌，佢于六十几岁时因不忿被陷害而自杀。 但讲到武功盖世，最传奇既莫过于唐太宗李世民。佢系当时天下第一神射手用一把长两米既巨阙天弓打遍天下无敌手。呢类有人咁高既通称为长弓，系冷兵器时代既核武器，射程可以有吓死人既800米。长弓手必须要天生神力，而且要从几岁开始时训练先可成材，李世民可以随时使用呢把巨弓，可见佢实在系非常精锐既神射手。与李广一样，话说有次佢又系同两个部下系山边攰得济训著左，好彩有条蛇经过惊醒大家，然后已经发现被敌人团团围住，同样系靠佢既神射武功逐一退敌。 佢最伟大既代表作系第二次虎牢关之战。之前一次有关羽斩华雄，呢一次有李世民生擒窦建德及王世充。两位都系隋末势力最大既群雄，王世充甚至已经系洛阳自封为皇。窦建德凭武功及德政建立既强大既夏帝国，王世充联同佢一齐伐唐，但只经过一个下昼，李世民亲自领兵就令两大君主投降，自此无人能阻唐帝国统一天下。李世民亦因此被封中国史上最高军阶既天策上将，后来亦晋封为诸王之首既秦王，其后再登基为帝。 2012-04-17 20:05:09 补充： 睇来楼主应该系唔多运动既文静书生。如果你有打过下篮球或者踢下波，反应快既好手永远一眼关七，唔单止运球流畅自如，而且好似有后眼咁，有无人来偷波一定知。最好篮球员或足球员根本无人可以偷佢地波，而且逢人过人，如入无人之境。 2012-04-17 20:09:41 补充： 战场亦一样，最顶尖既军人几乎无人可以埋身，因为呢啲人武功太高，常人无可能系正常情况下可以同佢地过招。而且呢啲猛将有一样常人无既野，就系令人惊奇既勇气及运气。有啲人如张飞、李世民等，永远系战场第一线作战，亦永远无人伤到佢地，当然佢地系劲到爆表先至可以如入无人之境，但佢地好多时有难以致信既运气，好运到根本无法杀死佢地。 2012-04-17 20:17:02 补充： 我最睇唔起啲 *** 仔话中国武功系花拳绣腿，因为中国人打仗几千年，冷兵器时代既战争一样极端凶残惊险，武功稍为低啲都一定无命，上述既猛将打仗打足几十年，完全无穿无烂，你估佢地如果唔系武功盖世边有咁劲﹖以张飞为例，除左下邳城之外，你念唔念到有边场战役由佢指挥既部队有比人打败过或撤退过﹖呢样野系坊间如汗牛充栋既三国书从来无讲过，原因无他，因为写呢啲书既人通常都唔研究战役，只系求其吹水算数。 2012-04-17 20:27:18 补充： 古人即使尊贵如皇帝，如果佢生于军事世家，佢当兵既时间一定极早，通常细过16岁，李世民大概系𠮶时加入军队。西方历史中亦有十八岁前当兵或接受军事教育既猛将皇帝，如马其顿菲利普二世及亚历山大大帝两父子等。呢啲人一世当兵，打遍天下无敌手，不幸既系通常较为短命，原因系佢地唔打仗就无野做，好快就似一朵鲜花一样凋谢。
武功当然有
不过冇小说中咁夸张
三国演义都系小说
很多虚构情节 你讲既真人真事系指咩?