Question

林子祥的《对话》 歌词

Answer 1

歌曲名:对话
歌手:林子祥
专辑:长青歌集

林：CHERRY！乜你今朝又咁迟
系咪又等唔到巴士？
定话要睇牙医？
点解你头发好似鬈咗啲？
块面就红卜卜系咪搽咗胭脂？
十足十好似嗰个荻野目洋子！
点解你可以搽到啲手指
全部红橙黄绿青蓝紫？
又点解带住咁多古灵精怪嘅戒指？
系咪十八岁未够就已经成咗婚事？
系咪以为咁样做就会突出啲？
你咪成日挂住搵罗曼史
最怕就识咗出面个啲坏嘅男孩子
你讲句LOVE YOU BABY BABY你就会有BB
到你做错咗事你就会恨迟
女孩子要矜持学下礼义廉耻
乖乖地勤力啲
咁至得人钟意！
（这一串日子，青春有一串心事）
你有野要话我知！
（这一串日子，必需要相信老师）
你要照我嘅意思！
蔡： 你净系识得当我系小孩子
其实我并唔系你念得咁无知
返学唧日子要搏命考试
生命除此简直白过白纸
你就对我讲莫负少年时
从来无去了解我嘅心思
你咪以为我想学小说故事
日夜追寻浪漫揾白马王子
只系有个Boy Friend会开心啲啫
可以听我讲下我嘅心事
我地生长系呢个大城市
变好定变坏根本无定义
一切都系由大人嚟话晒事嘅
其实你哋都会奸险同自私
书本话努力就有好日子喔
世界系咪咁理想我都好怀疑
（这一串日子 可压抑我心事）
你咪当我系三文治！
（这一串日子 不可以一切告知）
我有我嘅意思！
林： 我既然做得你嘅老师
就要看管你嘅言行举止
但系我都明白成长嘅日子
面对千种引诱实在好难支持
蔡：我都知你嘅责任无法停止
要顾住校长又要对住同事
要顾住老婆又要顾住儿子
日日团团转好似地球仪
林：我细个嗰阵时都好百厌无知
但系日子一过好快就成为历史
蔡：大人都可以玩得好放肆嘎
唱吓卡啦OK可以落吓D
林：呢啲咁唧玩意系绝对唔益智
蔡：不如今日放假我哋再倾耐啲呀
林：我请完锯扒以后就你要乖啲
蔡：你落唔落后啲呀 宜家兴食寿司呀
（这一个日子 开解了一切心事 大家都开心啲）
（这一个日子 找到了心里拍子）
（这一个日子 开解了一切心事 大家都开心啲）
（这一个日子 找到了心里拍子）

http://music.baidu.com/song/1486516