Question

边个教我养珍珠马甲鱼??20分

Answer 1

1)佢地最中意食咩?? 珍珠马甲主要都钟意食薄片、红虫，两种都可以系金鱼街同街市买到。 千万不要超喂!!!!!!超喂会令鱼消化不良，而且会做成大量排泄物和多余食物，产生有毒物-氨，当细菌不能分解时，就会开始死鱼。 薄片-一日两至三次，一定要系三分钟内食哂 红虫-只是副食，可三日一次，一定要系三分钟内食哂 2)最好点样繁殖?? 先选好鱼，再将佢地放入浮有鹿角苔的鱼缸，调水温为25'c。因为这种鱼由雄鱼做泡，之后引雌鱼产卵(千万不要水流强!!!!!会打破泡泡!!!) 3)可以同咩鱼养?? 珍珠马甲较为静态，不要养active ge鱼(同种雄鱼不应有两条，有盘地意识)，可养同丽丽鱼。 4)可以有几年命?? 不明，但年龄最少3年。 5)个缸驶吾驶好大?? 每条雄性5吋*5吋*5吋。 6)个缸入面要有D咩?? 因为佢地有盘地意识，所以要多d草，将佢地分开。 7)佢地会吾会好恶?? 完全吾恶，反而会比人咬，不要与其他恶鱼一起养。 8)鱼仔要点养?? 可用原始生物-纤毛虫或洄水养 做法:用一杯已除氯的水，加入有营养ge嘢和一块水草叶，放系阳光下。等3-5日，就有d白色物体-纤毛虫。一日一次。 9){洄水}又系咩黎 上边有讲参考: me+book1．佢地最中意食咩 乜都食。片粮、活饵、急冻都唔拘，所以随你喂乜啦；拍烦就干粮最好，总之三分钟内放入缸o既粮要食清。 2．最好点样繁殖 佢地系泡巢迷鳃鱼，要有浮o既水草（如浮萍）俾雄鱼作为吐泡筑巢o既基础，有鱼友曾报告佢地会咬甩一d软o既水草叶，等佢浮起做巢o既基础。雄鱼背鳍较尖， *** 时胸部会呈橙红色，好明显。巢筑成后，雄鱼会等雌鱼游到泡巢，情投意合就会卷住交配，然后雄鱼会将卵黐o系泡上等卵孵出。详情请睇我近日o既一个答案〔.knowledge.yahoo/question/question?qid=7008081400197〕。 3．可以同咩鱼养／7．佢地会吾会好恶 其实唔系恶鱼，同灯鱼混养都冇问题。但如果两条公一齐入一个缸，可能会因为争地盘而追打。佢地占o既领域都几大，我一个三十尺缸，都唔够一条用，大量水草都避唔到，结果弱势o个条几日就死左。 4．可以有几年命 只要你水质控制得好，新鱼检疫做足，日常管理ok，以年计。 5．个缸驶吾驶好大 佢地可以长至四寸开外，我o既经验系三十寸唔够一对公，Horst Linke o既著作 Labyrinth fish (1992) 话要 130cm x 50cm x 50cm。 6．个缸入面要有D咩 大量水草同木石，等鱼追逐时有得避。如上所述，繁殖都有需要水草。 8．鱼仔要点养 如果泡巢o系大缸中，可以用个细缸仔将个巢装起，缸仔放个水妖，只出极少气泡，以免水面波动打散泡巢。如果对鱼系捞出缸仔交配，鱼公可以同泡巢同放，直到鱼仔可以离开泡巢水平咁游为止。 鱼b平后第一日可以唔喂，第二日起应该用bbs（丰年虾b喂），最好系新鲜，少量多餐咁喂。换水定时，大可以每日换五份一，主要吸缸底，加入去o既水要除氯（隔夜或用除氯剂）。鱼b有返1cm，已可以喂片粮，放片放水面，佢地就会啄啄下，唔驶浸淋都得，以免沉／散得太快，食唔哂污染水质。 但留意，万一成功繁殖，可以超过700条b！你有冇咁多空间架？ 9．{洄水}又系咩黎 我未见过呢个名词，但o系百度见到〔baike.baidu/view/52211〕：洄水是观赏鱼爱好者业内的行话，指的是自然界中湖泊、坑塘里富含大量草履虫的水体。因为草履虫大量繁殖时，在水层中呈灰白色云雾状成群漂动回荡，所以称之为“洄水”。洄水是观赏鱼刚孵出的鱼苗的最佳食料。草履虫个体很小（体长仅0.15-0.30毫米），正适合当刚孵出的鱼苗的饲料。草履虫蛋白质丰富，又是活食，小鱼吃了可以茁壮成长。 草履虫喜欢含丰富有机物的水体，且在24-28℃的高温、日照下快速繁殖。人们在家里也可以制作洄水：取一些干净的稻草，把它剪成10毫米长的碎条，称取10-15克，放在5000毫升清水中煮沸5分钟，冷却后再倒进一个玻璃缸中，倒进已经捞取来的洄水5毫升，水温控制在18-24℃ ，把缸放在日光下照晒，6-7天后，水中就看见呈云雾状的洄水--草履虫群体。这时就可捞取喂食了。每天最好捞取1/3-1/2的洄水，同时适当加些新水和稻草煮液，这样就可不断产生洄水。 我o既意见系，唔好咁麻烦啦，买丰年虾b好过啦。珍珠马甲鱼学名︰trichogaster ceeri 原产地泰国、马来西亚、苏门答腊等，属斗鱼科。体长10-13cm，椭圆形。蓝灰色，从吻端到尾部有一条黑色纵条纹，全身布满银色斑点，泛著金属光泽。饲养水温22-26摄氏度，水质要求不严格，亲鱼性，成熟年龄6个月。珍珠马甲腹鳍变异为两根长长的丝鳍。属泡沫卵生鱼类。 他们不难养和一般鱼一样 唔好太迫 要有泵 滤水器 钟意可加底石 水草如浮萍就的喇! 珍珠马甲鱼到了繁殖期雄鱼的色泽会特别鲜红美丽由于珍珠马甲同是斗鱼科 "最好唔好同其他种类的鱼一起养" 佢地会自己筑泡巢养育小鱼卵透明会自动浮到水面上产卵大约600 - 1000粒! 鱼bb 要用隔离鱼仔箱先养开 喂粮 专为bb鱼而设的片粮是可以的!