Question

广州咁多位大佬，帮下我呢个乡下佬啦！

咁大个仔飞机都未搭过啊！！
而且听日我就要去哈尔滨啦！！！！
小弟想请教一下咁多位靓仔靓女。
点搭飞机啊！！！
白云机场大唔大啊？？？？？？？？
点样稳到登记处啊？？？？？？？？？
登机要咩手续啊！？？？？？？？？？
我一滴都唔识噶！！！！！
而且我老豆老母唔鬼帮我啊！！！！
叫我自己一个搞！！！
我顶！！！
我自己一个搞到飞机走左都唔知咩事啦！！！！
大佬大姐们！！！帮帮忙啦！！！！！

Answer 1

你从边度去机场?几点飞机?

好多地方都会有机场大巴可以直接坐去机场;或者你可以选择坐地铁,反正转线转到地铁三号线到机场南站,落左地铁后睇住D指示牌行去机场就可以啦.

机场有指示牌,你睇住黎行就无问题.现场会有工作人员,你揾唔到路可以问人.

不过,你至少要提前1个钟到场办理登机手续...即飞机10点飞,你最迟9点好去到机场...否则就赶唔切...

追问

从长寿路地铁站撘到边个站啊？远唔远噶？我好少搭地铁噶！
落地铁之后点样去机场呀？
我十二点半就要上飞机啦
我好惊会错过飞机啊大佬！

有咩登机手续需要特别注意噶？
我有一个书包同埋一个行李箱，点样过安检啊？

追答

长寿路?街坊 = = BUT答你问题嘅唔一定系大佬WWW>远就当然远,长寿路在荔湾区,机场在花都区诶.

甘样,你直接系长寿路坐地铁一号线(往东站方向)一直坐到广州东站之后转地铁三号线坐到机场南站落车(往机场南方向),直接站内转乘就可以啦.落左车按指示牌行就得,你识字嘎~~睇住指示牌行就可以.好方便的,因为我都忘记边个出口出,所以你睇指示牌行就得.不过亦都可以问地铁站嘅人,行过去好快的.一上站就到.

你12点半机嘅话,我建议你最迟最迟最迟早上10点好出门.当然再早D都无问题.从长寿路坐地铁去机场连埋转线行到去机场大厅大约都要成个钟的.因为地铁会按时段提升或者降低开车的班次及车速的,所以可以尽早就尽早,早到顶多在机场M记食个早餐就好.除非地铁出意外,否则可以好准时的.如果自己坐其他车去,好可能会遇上塞车,情况好难预料.

登机嘅话,记得记得出门之前检查好证件,带齐带好证件(身份证之类嘅证明)啊机票啊之类嘅就得啦.其他野唔使担心,直接系柜台俾晒D证件机票对方登记后就等入闸.睇住指示牌或者听住广播等叫入闸登机就可以啦.

你嘅行李箱大唔大个?如果太大个嘅话就要办托运.如果系细嘅行李箱就可以直接带埋上机.入去果阵会有检查嘅地方,你配合机场工作人员指示或者跟住其他要坐飞机嘅人做就可以.有乜唔明就捉个工作人员问,佢地好乐意为你服务嘅.唔使甘担心.